தற்போது உலகத்தை கலக்கி வரும் வீடியோ என்றால் பிரான்ஸ் அதிபர் இமானுவேல் மேக்ரான் பிரதமர் நரேந்திர மோடியை வரவேற்ற விதம் தான் உலக அரசியலையே திரும்பிப் பார்க்க வைத்துள்ளது, இந்திய திரைப்படத்தின் “துரந்தர்” பின்னணி இசையுடன் மோடியின் வருகைக் காட்சிகளை பகிர்ந்து, “என் அன்பு நண்பர்” என்ற உணர்வோடு மேக்ரான் வெளியிட்ட வீடியோ உலகம் முழுவதும் வைரலானது. மோடியுடன் கைகுலுக்கும் காட்சி, ஆரத்தழுவும் காட்சி, இருநாடுகளின் நட்பை வெளிப்படுத்தும் தருணங்கள் என அந்த வீடியோ வெறும் வரவேற்பு அல்ல; உலக அரங்கில் இந்தியாவின் உயர்ந்த இடத்திற்கான அங்கீகாரமாக மாறியது.
ஒரு காலத்தில் உலக மேடைகளில் பங்கேற்கும் நாடாக மட்டுமே பார்க்கப்பட்ட இந்தியா, இன்று உலக விவாதங்களின் மையமாக மாறியுள்ளது. அதற்கு மிகப்பெரிய காரணமாக நரேந்திர மோடியின் வெளிநாட்டு கொள்கையும், இந்தியாவின் வளர்ச்சிப் பாதையும் குறிப்பிடப்படுகின்றன. 2014 முதல் இன்று வரை பிரதமர் மோடி மேற்கொண்ட வெளிநாட்டு பயணங்களின் எண்ணிக்கை 100-ஐ கடந்துள்ளது. 78 நாடுகளுக்கு நேரடியாக சென்று உறவுகளை வலுப்படுத்தியுள்ளார். இது ஒரு சாதாரண புள்ளிவிவரம் அல்ல; இந்தியாவின் குரல் உலகின் அனைத்து முக்கிய தலைநகரங்களிலும் ஒலிக்கச் செய்த அரசியல் பயணத்தின் அடையாளமாகும்.
உலகத் தலைவர்கள் மோடியை வரவேற்கும் விதம் கூட தனித்துவமானது. அமெரிக்காவில் செங்கம்பள வரவேற்பு, பிரான்சில் தனிப்பட்ட நட்பு, ரஷ்யாவில் உயரிய மரியாதை, வளைகுடா நாடுகளில் அரச மரபு வரவேற்பு, ஆப்பிரிக்க நாடுகளில் மக்கள் ஆரவாரம், ஐரோப்பிய நாடுகளில் தேசிய கௌரவங்கள் என மோடி சென்ற இடமெல்லாம் இந்தியாவின் மரியாதை உயர்ந்து நிற்கிறது. சமீபத்தில் ஸ்லோவாக்கியா தனது உயரிய குடிமகன் விருதான “Order of the White Double Cross” விருதை மோடிக்கு வழங்கியது. இது வெளிநாட்டு நாடுகள் வழங்கிய 33-வது சர்வதேச கௌரவமாகும். உலகில் எந்த இந்திய பிரதமருக்கும் கிடைக்காத அளவிலான அங்கீகாரம் இது.
மோடியின் சர்வதேச செல்வாக்கு விருதுகளால் மட்டுமே அளவிடப்படுவதில்லை. உலகின் மிகப்பெரிய பொருளாதார கூட்டமைப்புகளான ஜி7, ஜி20, பிரிக்ஸ், எஸ்சிஓ போன்ற அமைப்புகளில் இந்தியாவின் குரல் இன்று தவிர்க்க முடியாததாக மாறியுள்ளது. குறிப்பாக “Global South” நாடுகளின் குரலை உலக அரங்கில் வலுவாக எடுத்துச் செல்லும் தலைவராக மோடி பார்க்கப்படுகிறார். வளர்ந்து வரும் நாடுகளின் நலன்களை முன்வைத்து பேசும் அவரது அணுகுமுறை பல உலகத் தலைவர்களின் பாராட்டைப் பெற்றுள்ளது.
டிஜிட்டல் புரட்சி, உள்கட்டமைப்பு வளர்ச்சி, விண்வெளி சாதனைகள், பாதுகாப்புத் துறையின் முன்னேற்றம், உலக முதலீட்டாளர்களின் நம்பிக்கை ஆகியவை இந்தியாவை உலக கவனத்தின் மையமாக மாற்றியுள்ளன. ரஷ்யாவே கூட, கோடிக்கணக்கான மக்களை வறுமையிலிருந்து மீட்டெடுத்த தலைவராக மோடியைப் பாராட்டியுள்ளது.
இன்று உலக மேடைகளில் மோடியை வரவேற்கும் போது, அது ஒரு அரசியல் தலைவருக்கான மரியாதை மட்டுமல்ல. 140 கோடி இந்தியர்களின் கனவுகளுக்கான மரியாதை!உலகத் தலைவர்கள் இன்று மோடியை வரவேற்கும் விதத்தைப் பார்க்கும்போது, உலகம் இந்தியாவை வேறு கண்களால் பார்க்கத் தொடங்கியிருக்கிறது என்பதே மறுக்க முடியாத உண்மை.
