பிரதமர் மோடி 4 நாட்கள் அரசு முறை பயணமாக ஜப்பான், சீனாவுக்கு சென்றுள்ளார். முதலில் ஜப்பான் தலைநகர் டோக்கியோவுக்கு சென்றுள்ள பிரதமர் மோடி. அங்கு ஜப்பானில் நடைபெறும் 15வது இந்தியா - ஜப்பான் வருடாந்த உச்சி மாநாட்டில் கலந்து கொள்கிறார், அதனை தொடர்ந்து பிரதமர் மோடி 31 ஆம் தேதி சீனா செல்கிறார். அங்கு ஷாங்காய் ஒத்துழைப்பு கூட்டமைப்பு மாநாட்டில் பிரதமர் மோடி பங்கேற்கிறார். மேலும், சீன அதிபர் ஜி ஜின்பிங், ரஷியா அதிபர் விளாடிமிர் புதின் உள்பட பல்வேறு தலைவர்களை பிரதமர் மோடி சந்திக்கிறார்.
கடந்த 2018 ஜூன் மாதத்தில் சீனாவின் குயிங்தவோ நகரில் நடைபெற்ற எஸ்சிஓ மாநாட்டில் பிரதமர் மோடி பங்கேற்றார். கடந்த 2019-ல் லடாக்கின் கல்வான் பள்ளத்தாக்கில் இந்தியா - சீனா வீரர்கள் இடையே ஏற்பட்ட மோதல் காரணமாக சீனாவுக்கு செல்வதை பிரதமர் மோடி புறக்கணித்தார். இந்தச் சூழலில் சுமார் 7 ஆண்டுகளுக்குப் பிறகு எஸ்சிஓ மாநாட்டில் பங்கேற்க அவர் சீனாவுக்கு செல்வது குறிப்பிடத்தக்கது.
அமெரிக்காவுடன் வர்த்தக போர் தீவிரமடைந்து வரும் நிலையில் இந்தியா, ஜப்பான், சீனா, ரஷ்யா உள்ளிட்ட நாடுகளின் தலைவர்கள் சந்திப்பு சர்வதேச அரசியல் முக்கியத்துவம் வாய்ந்ததாக பார்க்கப்படுகிறது. இது ஒருபுறம் இருந்தால் பிரேசில், ரஷ்யா, இந்தியா, சீனா, தென்னாப்பிரிக்கா ஆகிய நாடுகளை கொண்ட வலுவான கூட்டமைப்புதான் பிரிக்ஸ். இந்த பிரிக்ஸ் நாடுகளின் கூட்டமைப்பு வருடா வருடம் நடப்பது வழக்கம். இந்தநிலையில் தான் அமெரிக்க டாலரின் ஆதிக்கத்திற்கு முற்றுப்புள்ளி வைக்க, BRICS கூட்டமைப்பு நாடுகள் புதியதொரு டிஜிட்டல் நாணயத்தை 2026 ஆம் ஆண்டு அறிமுகப்படுத்தவுள்ளதாக அறிவித்துள்ளன.
பிரிக்ஸ் நாடுகள் எல்லாம் இனி பிரிக்ஸ் குழுவின் புதிய கரன்சியை பயன்படுத்துவது பற்றி ஆலோசிக்கப்பட்டது. இப்படிப்பட்ட நிலையில்தான் அமெரிக்க டாலரின் ஆதிக்கத்திற்கு முற்றுப்புள்ளி வைக்க, பிரிக்ஸ் கூட்டமைப்பு நாடுகள் புதியதொரு டிஜிட்டல் நாணயத்தை 2026 ஆம் ஆண்டு அறிமுகப்படுத்தவுள்ளதாக அறிவித்துள்ளன.
பிரிக்ஸ் நாடுகள்தான் ஏற்கனவே உலகின் பொருளாதரத்தில் முக்கிய பங்கு வகிக்கிறது. உதாரணமாக ரஷ்யா, இந்தியா சீனா, ஆகியவைதான் உலக பொருளாதாரத்தில் முக்கிய பங்கு வகிக்கிறது. இப்படிப்பட்ட நிலையில் டாலரை கைவிட்டால் அது அமெரிக்காவிற்கு பெரிய அடியாக இருக்கும்
கடந்த 2023ம் வருடம் நடந்த கூட்டத்தில் பிரிக்ஸ் கூட்டமைப்பில் 6 புதிய நாடுகளை சேர்த்துக்கொள்ள ஒப்புதல் வழங்கப்பட்டு உள்ளது. அர்ஜென்டினா, ஈரான், ஐக்கிய அரபு எமிரேட்ஸ், சவுதி அரேபியா, எத்தியோப்பியா மற்றும் எகிப்து ஆகிய நாடுகளை இந்த கூட்டமைப்பில் சேர்த்துக்கொள்ள உள்ளது
இதில் கவனிக்க வேண்டியது எண்ணெய் வள நாடுகள் இப்போது டாலரை பயன்படுத்துகின்றன. பிரிக்ஸ் கரன்சி குழுவில் அவை சேருவதால் அவையும் டாலரை துறந்துவிட்டு பிரிக்ஸ் கரன்சிக்கு மாறும். இது அமெரிக்க டாலரின் வீழ்ச்சியாக பார்க்கப்படும். இதனால் உலக அரசியலே மாறும்.
முன்னாள் அமெரிக்க அதிபர் டொனால்ட் டிரம்ப் இந்தியப் பொருட்களின் மீது 50% வரி விதித்ததற்குப் பிறகு இந்த கொள்கை அறிவிக்கப்பட்டது. இந்திய ரூபாயை வலுப்படுத்தும் இம்முயற்சி, அமெரிக்க வர்த்தகக் கொள்கைகளுக்கு பிரதமர் நரேந்திர மோடி அரசின் நேரடிப் பதிலடியாகவே பார்க்கப்படுகிறது.
பிரிக்ஸ் நாடுகளுடன் மட்டுமல்லாமல், இந்திய ரூபாயில் நேரடியாகப் பணம் செலுத்தும் வாய்ப்பை வழங்கும் சுற்றறிக்கையை இந்தியா பல நாடுகளுக்கும் அனுப்பி உள்ளது. இது இந்தியாவின் சர்வதேச வர்த்தக நிலையில் முக்கிய பங்காற்றுவதோடு, உலகச் சந்தைகளில் டாலரின் ஆதிக்கத்தைக் குறைக்கும் என எதிர்பார்க்கப்படுகிறது.
