இந்தியா இன்று எவ்வளவு உயர்ந்து நிற்கிறது என்பதை உலகமே பார்க்கின்ற நேரம் இது. ஒரு காலத்தில் வளர்ந்து வரும் நாடாக மட்டுமே பார்க்கப்பட்ட இந்தியா, இன்று ஆசியாவின் முக்கிய சக்தியாக மாறியுள்ளதை ஆய்வுகளின் முடிவுகள் தெரியப்படுத்துக்கிறது.. இந்த மாற்றம் யாருக்கும் திடீர் அதிசயமாக நிகழவில்லை கடந்த பத்து வருடங்களாக, நாட்டின் வளர்ச்சியைப் பற்றி உறுதியான முடிவுகளும், கடினமான தீர்மானங்களும் எடுத்து வந்த வழியில் இந்தியா மெதுவாக, ஆனால் மிக சக்தியாக உயர்ந்து கொண்டே வந்தது.
மக்கள் வாழ்க்கையை உயர்த்தும் திட்டங்களையும், உலக அரசியலில் இந்தியாவின் குரலை வலுப்படுத்தும் செயல்கள் உலக நாடுகளை ஒன்றாக இணைத்துப் போகும் திறமை, போன்றவை தான் இந்தியாவை இன்று ஆசியாவின் முன்னணி வரிசையில் நிறுத்தியுள்ளது. ஆஸ்திரேலியாவின் லோவி நிறுவனம் வெளியிட்ட ஆசிய சக்தி ஆய்வில் இந்த ஆண்டு இந்தியா 40 புள்ளிகளைப் பெற்று மூன்றாவது இடத்தைப் பிடித்துள்ளது. இது ஒரு சாதாரண முன்னேற்றம் இல்லை . ஒரு நாட்டின் பொருளாதாரம் எவ்வளவு வளர்ந்தது, ராணுவம் எவ்வளவு வலுவாகியுள்ளது, உலக நாடுகளிடையே அந்த நாட்டின் நம்பிக்கை எவ்வளவு உயர்ந்துள்ளது—இவை அனைத்தையும் கணக்கில் கொண்டு வழங்கப்படும் மதிப்பீடு. கடந்த ஆண்டு 38.5 ஆக இருந்த இந்தியாவின் மதிப்பு இந்த ஆண்டு 40 ஆக உயர்ந்துள்ளது. ஆசியாவின் மிகப்பெரும் சக்திகளின் பட்டியலில் இந்தியா இன்று அமெரிக்கா, சீனாவுக்கு அடுத்த நிலையில் நிற்கிறது.
இந்த உயர்வுக்கு முக்கிய காரணம் பிரதமர் மோடி தலைமையிலான ஆட்சி ஆகும். உட்கட்டமைப்புக்கு கொடுக்கப்பட்ட முக்கியதுவம், சாலைகள், ரயில்கள், துறைமுகங்கள், விமான நிலையங்கள்—எல்லாம் வேகமாக மாற்றம் கண்டுள்ளன . உலக முதலீடுகள் இந்தியாவை நம்பத்தொடங்கியுள்ளன. இதன் காரணமாக இந்தியா இன்று உலகளாவிய பொருளாதார மேடையில் தன்னுடைய சக்தியை நிரூபித்துள்ளது. அதுமட்டுமல்லாமல் கடந்த சில ஆண்டுகளில் இந்திய ராணுவத் திறன் அதிகரித்தது என்பது உண்மை. ஆயுத உற்பத்தி, பாதுகாப்பு தொழில்நுட்பம், புதிய போர்த் தளவாடங்கள்—எல்லாம் வேகமாக மேம்படுத்தப்பட்டன. இந்தியா இன்று பாதுகாப்பு உற்பத்தியில் தன்னிறைவு நோக்கி தன்னம்பிக்கையுடன் நடந்துகொண்டு வருகிறது.
இதற்கு உதாரணம் காஷ்மீரில் சுற்றுலா பயணிகள் மீது நடந்த கொடூரத் தாக்குதல் இந்தியர்களின் மனதைத் துளைத்தது. மதத்தை கேட்டுச் சுற்றுலா பயணிகளை படுகொலைசெய்தார்கள் . இதற்கு பதிலடி கொடுக்க இந்தியா எடுத்த முடிவு உலக கண்களை இந்தியா பக்கம் திருப்பியது. ஆப்பரேஷன் சிந்தூரின் மூலம் இந்திய ராணுவம் பாகிஸ்தானில் உள்ள பயங்கரவாத தளங்களை குறிவைத்து தாக்கியது. யார் தாக்கினாலும், எங்கிருந்து தாக்கினாலும், இந்தியாவைத் தாக்கினால் பதிலடி கிடைக்கும் என்பதை உலகத்துக்கே தெளிவாகக் காட்டியது.
பாகிஸ்தானின் விமானப்படை தளங்கள் சேதமடைந்ததால், தொடர்ந்து தாக்குதலை நிறுத்தும்படி அந்த நாடு இந்தியாவிடம் கெஞ்சியது. இந்தியாவும் அதனை ஏற்றுக்கொண்டு நடவடிக்கையை நிறுத்தியது. இது ராணுவ பலத்தையும், அதே சமயம் பொறுப்பான நடத்தை கொண்ட நாட்டின் முகத்தையும் உலகிற்கு காட்டியது.இந்த மொத்த செயல்பாடுகள் ஒன்றாக இணைந்து உலக நாடுகளுக்கு ஒரு செய்தியைத் தெளிவாக கூறுகின்றன:
இந்தியா இன்று உயர்ந்து நிற்கும் நாடு. தன்னையும், தன் மக்களையும் பாதுகாக்கும் திறன் கொண்ட நாடு.
இதனை கொண்டுதான் ஆசிய சக்தி பட்டியலில் இந்தியா உயர்ந்துள்ளது என்பது ஒரு புள்ளி மதிப்பீடாக மட்டும் பார்க்க முடியாது. இது இந்தியாவின் உழைப்புக்கான, முன்னேற்றப் பயணத்திற்கான, வளர்ச்சி நோக்கி சென்றுபோகும் மனநிலைக்கான சர்வதேச அங்கீகாரம்.இந்தியாவின் எழுச்சி பிரதமராக மோடி பதவி ஏற்றதிலிருந்து ஆரம்பித்து விட்டது என்பதை உலகம் அறிந்துள்ளது.
