தமிழக சட்டமன்றத் தேர்தல் களம் சூடுபிடித்துள்ள நிலையில், ஒட்டுமொத்த டெல்டா மாவட்டங்களின் பார்வையும் இப்போது நன்னிலம் தொகுதியின் மீது பதிந்துள்ளது. அமைதிக்கும், மத நல்லிணக்கத்திற்கும் பெயர்போன இந்த மண்ணில், அரசியல் சதுரங்க வேட்டை புதிய உச்சத்தைத் தொட்டுள்ளது.

நன்னிலம் தொகுதியைத் தன்வசப்படுத்த துடிக்கும் திமுக, இந்த முறை ஒரு விசித்திரமான வியூகத்தைக் கையாண்டுள்ளது. திமுக கூட்டணியில் எஸ்டிபிஐ (SDPI) கட்சிக்கு இந்தத் தொகுதியை ஒதுக்கி, அவர்களை 'உதயசூரியன்' சின்னத்திலேயே போட்டியிடச் செய்துள்ளது.

இருப்பினும், வேட்பாளராகக் களம் இறங்கியுள்ள முகமது முபாரக் மீது சுமத்தப்பட்டுள்ள சில பழைய வழக்குகள் மற்றும் தீவிர பின்னணி குறித்த தகவல்கள், தொகுதி மக்களிடையே, குறிப்பாக அமைதியை விரும்பும் இஸ்லாமியப் பெருமக்களிடையே ஒருவித தயக்கத்தை ஏற்படுத்தியுள்ளது. "வாக்குகளைப் பிரிக்க எடுக்கப்பட்ட இந்த முயற்சி, தொகுதியின் அமைதியைக் குலைத்துவிடுமோ?" என்ற அச்சம் நடுநிலையாளர்களிடையே எழுந்துள்ளதை மறுப்பதற்கில்லை.

மறுபுறம், அஇஅதிமுக சார்பில் போட்டியிடும் முன்னாள் அமைச்சர் ஆர். காமராஜ், தொகுதியில் ஒரு அசைக்க முடியாத சக்தியாக வலம் வருகிறார். 2011 முதல் தொடர்ந்து இந்தத் தொகுதியின் பிரதிநிதியாக இருக்கும் அவர், வெறும் அரசியல்வாதியாக இல்லாமல், மக்களின் 'வீட்டுப் பிள்ளை'யாகவே மாறிவிட்டார். தொகுதியில் எந்தவொரு தனிநபர் பிரச்சினையாக இருந்தாலும், நேரடியாகக் களமிறங்கித் தீர்த்து வைப்பதில் காமராஜ் அவர்கள் காட்டும் வேகம் தொகுதி மக்களைக் கவர்ந்துள்ளது.

இந்து, முஸ்லிம், கிறிஸ்தவர் எனப் பேதமின்றி அனைவருடனும் இணக்கமான உறவைப் பேணி வருகிறார். குறிப்பாக, எஸ்டிபிஐ வேட்பாளரின் பின்னணி குறித்த அச்சத்தால், பாரம்பரியமாக திமுக பக்கம் இருந்த பல இஸ்லாமிய வாக்குகள், இப்போது நேரடியாகக் காமராஜ் அவர்களின் பக்கம் திரும்பியுள்ளதாகக் கள நிலவரங்கள் கூறுகின்றன.

நன்னிலம் தொகுதியில் அவர் கொண்டு வந்த உள்கட்டமைப்பு வசதிகள் மற்றும் கல்விப் பணிகளே அவருக்கு மிகப்பெரிய வாக்கு வங்கியாக மாறியுள்ளது.திமுக கூட்டணி கணக்குப் போட்டது போல இஸ்லாமிய வாக்குகளைப் பிரித்து, இந்து வாக்குகளைச் சாதி ரீதியாக அறுவடை செய்யலாம் என்ற எண்ணம், தற்போதைய நிலவரப்படி எடுபடவில்லை என்றே தோன்றுகிறது.

"எங்களுக்குத் தேவை அமைதியும் வளர்ச்சியும்தான்; மத ரீதியான மோதல்களோ அல்லது அச்சுறுத்தல்களோ அல்ல" என்ற மக்களின் குரல் தொகுதி முழுவதும் ஓங்கி ஒலிக்கிறது. இது நேரடியாக ஆர். காமராஜ் அவர்களுக்கு மிகப்பெரிய பலமாக அமைந்துள்ளது.எதிர்க்கட்சியின் வேட்பாளர் தேர்வு மற்றும் நிலுவையில் உள்ள வழக்குகள் குறித்த செய்திகள் காமராஜ் அவர்களுக்கு ஒரு 'கேக் வாக்' போல வெற்றியை எளிதாக்கியுள்ளது. நன்னிலம் தொகுதி மக்கள், பிரித்தாளும் அரசியலை விட, "நம்ம ஊர் காமராஜ்" என்ற பாசத்திற்கே முன்னுரிமை அளிக்கத் தயாராகிவிட்டனர்.எந்தவித இடைநிற்றலும் இல்லாமல், ஒரு மாஸான வெற்றியை நோக்கி ஆர். காமராஜ் அவர்களின் தேர்தல் பிரச்சாரம் மின்னல் வேகத்தில் முன்னேறி வருகிறது. நன்னிலம் கோட்டை மீண்டும் அஇஅதிமுகவின் வசமாவது உறுதியாகி வருகிறது!